ບໍລິສັດ ໄຟຟ້າຫົງສາ ຈໍາກັດ ມອບເຄື່ອງຜະລິດນໍ້າດື່ມໃຫ້ກັບສະຫະກອນ ສົ່ງເສີມກະສີກໍາ ເມືອງຫົງສາ ເພື່ອນໍາໄປຜະລິດນໍ້າດື່ມຕອບສະໜອງໃຫ້ການບໍລິການຂອງສະຫະກອນໃຫ້ຫຼາກຫຼາຍຂື້ນຕື່ມ.
ອຸປະກອນເຄື່ອງຜະລິດນໍ້າດື່ມທີ່ນໍາມາມອບກັບສະຫະກອນສົ່ງເສີມກະສີກໍາ ເມືອງຫົງສານີ້ ມີມູນຄ່າ 138,000 ບາດ.
ພິທີມອບ-ຮັບອຸປະກອນດັ່ງກ່າວໄດ້ຈັດຂື້ນໃນວັນທີ 26 ສິງຫາ 2019 ທີ່ເມືອງຫົງສາ ໃຫ້ກຽດມອບໂດຍ ທ່ານ ຄະທາຢຸດ ຊູພູນ ຜູ້ອໍານວຍການໃຫ່ຍ ບໍລິສັດໄຟຟ້າຫົງສາ ຈໍາກັດ ແລະ ຕາງໜ້າກ່າວຮັບໂດຍ ທ່ານ ທອງ ສິມມາທອງ ປະທານສະຫະກອນສົ່ງເສີມກະສີກໍາ ເມືອງຫົງສາ ແລະ ໃຫ້ກຽດເຂົ້າຮ່ວມພິທີມອບ-ຮັບ ມີທ່ານ ລິຄິດ ພົງພະຫງັນ ທີ່ປືກສາຜູ້ອໍານວຍການໃຫ່ຍ ບໍລິສັດໄຟຟ້າຫົງສາ ຈໍາກັດ ຝ່າຍພັດທະນາສັງສົມ ແລະ ທ່ານ ສົມມີ ໄຊຍະລາດ ຫົວໜ້າໜ່ວຍງານຍົກຍ້າຍຈັດສັນ ແລະຟື້ນຟູອາຊີບ ພ້ອມດ້ວຍພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ສະຫະກອນ ສົ່ງເສີມກະສີກໍາ ເມືອງຫົງສາ ໃດ້ຮັບການສ້າງຕັ້ງຂື້ນເພື່ອຈັດຫາວິຊາຊີບ, ວຽກເຮັດງານທໍາ ແລະ ສ້າງລາຍຮັບ ໃຫ້ກັບປະຊາຊົນຊາວເມືອງຫົງສາ ໂດຍສະເພາະແມ່ນປະຊາຊົນທີ່ໄດ້ຖືກຍົກຍ້າຍອອກຈາກພື້ນທີ່ຂອງໂຄງການໄຟຟ້າຫົງສາ ໂດຍການປະສານສົມທົບ, ອຸ້ມຊູຊ່ວຍເຫຼືອລະຫວ່າງເຈົ້າໜ້າທີ່ ໜວ່ຍງານທີ່ກ່ຽວຂອ້ງພາຍໃນເມືອງຫົງສາ ແລະ ໜວ່ຍງານພັດທະນາສັງສົມ ບໍລິສັດ ໄຟຟ້າຫົງສາ ຈໍາກັດ.
